​

 

Kannski verður gegnumtrekkurinn óþolandi eftir einhvern tíma

en þegar hér er komið við sögu

langar mig hvorki að loka glugganum né dyrunum

mig langar bara að leyfa honum að streyma í gegn

hvernig sem viðrar

hvort sem hafið gárar létt við andvara 

eða loftið fyllist af löðri og úða

hafið alhvítt

ekkert skyggni

miklar skemmdir á mannvirkjum.

​

Þannig erum við

svona gola

jafn vel stinningsgola

um þrjú fjögur vindstig 

eða tíu ellefu tólf

rok ofsaveður fárviðri